Arriagako ekitaldia

Pasa den uztailaren 8an, Gaztedik urtero legez Dantza Plazetan programa barruan dagoen Arriagako ekitaldia burutu zuen. Arratsalde eguzkitsua izan zen eta horrek Arriaga plaza goraino bete zuen.

Arratsaldeko 7etan izan zen ekitaldia eta jarraian datozen dantzak ikusi ahal izan ziren, ordubetez iraun zuen ekitaldian: Dantzari Dantza, Arantzako Neskatxa Dantza, Batelerak, Kortesko dantzak eta Luzaideko dantzak.

Beti asko disfrutatzen dugun ekitaldia da eta aurtengoa ere ez zen gutxiago izan. Eskerrak eman nahiko genieke Gaztediko dantzari eta musikariei eta nola ez, plaza goraino bete zuten ikusle guztiei ere. Mila esker bihotz bihotzez eta gora Gaztedi!