VIII. Larrain Dantza Topaketa

Igarandako ekainaren 9an beste urteroko zita bat izan genuen; VIII. Larrain Dantza Topaketa, hain zuzen ere. Betiko legez, Areatzako kioskoan eraman genuen aurrera, erromeria formatoarekin, eta Larrain Dantzan ardaztuta. Horregatik, birritan egin zen dantza hau; bai hasieran eta nola ez, baita bukatzeko ere.

Ordubeteko zita izan zen gutxi gorabehera, eta musikariak honakoak izan ziren: Erromerian zehar Gaztediko Txistulariak, eta Larrain Dantza jotzeko, hain lagun ditugun eta izenarekin bat datorkien Adiskideak Fanfarrea izan zen, Gaztediko Gaiteroekin batera.

Mila esker Adiskideak fanfarreari, mila esker gure musikariei eta mila esker dantzan animatu zen orori, gazteditar zein gaztediz kanpoko edozeini. Gora Gaztedi!