Euskal Herriko dantzari eguna 2018

Larunbatean, urriak 6, Euskal Herriko dantzari eguna ospatu zen Gasteizen. Gu ere bertan aritu ginen beste hainbat dantza talderekin Euskal Herriko kultura sustatzen. Zazpi lurraldeetako dantzak egin genituen, euskal kulturaren zein dantzaren aniztasun eta edertasunaren eredu.

Azken dantzak euriz busti ziren arren, Gasteizko hotza dantza eta alaitasunez berotu genuen adin guztietako dantzari eta ikusleen artean. Hemen dituzue egun hartako zenbait argazki.

Azkenik ohikoa dugun legez eskertzea geratzen zaigu, bai ekitaldi hura edozein eratan posible egin zuen orori eta baita bertara hurreratu ziren ikusle guztiei.

Gora EHko Dantzari Eguna eta Gora Gaztedi!